اٹک (صباح نیوز)اٹک میں کوہاٹ راولپنڈی روڈپر ڈرائیور کو نیند آنے کے باعث آئل ٹینکر پُل سے نیچے جا گرا۔ حادثے کے بعد آئل ٹینکر سے تمام کروڈ آئل بھی بہہ گیا،آئل ٹینکر کوہاٹ سے راولپنڈی جارہا تھا کہ حادثہ کا شکار ہو گیا۔ حادثے کی اطلاع ملتے ہی ریسکیو1122اور پولیس حکام موقع پر پہنچ گئے اور روڈ کو ٹریفک کے لیے بند کر کے امدادی کارروائیوں میں حصہ لیا۔ واقعے کے نتیجے میں کسی شخص کے زخمی یاجاں بحق ہونے کی تصدیق نہیں ہوسکی۔
