لاڑکانہ(نمائندہ جسارت) ایس ایس پی لاڑکانہ عمران قریشی کی ہدایات پر پولیس نے جرائم پیشہ افراد کے خلاف کاروائیاں کرتے ہوئے اشتہاری، روپوش و مطلوب 6 ملزمان کو گرفتار کرکے اسلحہ، منشیات اور چوری شدہ موٹرسائیکلیں برآمد کرلی ہیں،تفصیلات کے مطابق مارکیٹ پولیس نے دوران چیکنگ ایمپائر روڈ سے ملزم عارب جتوئی کو بغیر لائسنس پسٹل، گولیوں اور موٹرسائیکل سمیت، رتوڈیرو پولیس نے شکارپور ناکہ سے رہائش ضلع شکارپور کے تھانہ گڑہی یاسین میں قتل اور رتوڈیرو تھانہ پر سنگین نوعیت کے مقدمات میں روپوش ملزم کریم بخش ولد غلام سرور شیخ کو، ولید پولیس نے ناکہ نمبر سات سے ضلع قمبر شہدادکوٹ کے تھانہ ماھی مکول میں ڈکیتی اور سنگین نوعیت کے دو سے زائد مقدمات میں اشتہاری ملزم فقیرمحمد کوریچو کو، رتوڈیرو پولیس نے منشیات فروش لعل بخش عرف لالو جلبانی کو دس کلو بھنگ سمیت، حیدری پولیس نے دوران چیکنگ نشتر روڈ سے ملزم شاہد شیخ کو شراب کی چار بوتلوں اور ملزم زاہد عمرانی کو 8 پیکٹ مضر صحت گٹکوں سمیت گرفتار کرلیا، دوسری جانب وارث ڈنو ماچھی پولیس نے مختلف اوقات پر چھینی جانے والی تین موٹرسائیکلیں برآمد کرکیاصل مالکان درمحمد بھٹو، اللہ بخش کنبھر اور نواب خان راجپوت کے حوالے کردی ہیں۔
