پشاور(جسارت نیوز) دوسرا شیخ عاطف رشید شمع انٹر اکیڈمی کرکٹ ٹورنامنٹ پمز کرکٹ اکیڈمی نے جیت لیا فائنل میں شمع کولٹس کو 49 رنز سے شکست دیدی ، مہمان خصوصی PIMS ایجوکیشن سسٹم کے ڈائریکٹر انور خان نے کھلاڑیوں میں انعامات تقسیم کیے، ان کے ہمراہ پشاور ڈسٹرکٹ کرکٹ ایسوسی ایشن کے سابق سیکرٹری حنیف شاہ ، کوچ فضل اکبر ، فرسٹ کلاس کرکٹرحماد الحسن سمیت دیگراہم شخصیات موجود تھیں ، ، جمخانہ کرکٹ گرائونڈ پر جاری ٹورنامنٹ میں پمز کرکٹ اکیڈمی نے ٹاس جیت کر پہلے بیٹنگ کرتے ہوئے مقررہ بیس اوورز میں 167 رنز بنائے جس میں محمد ثاقب نے شاندار بیٹنگ کا مظاہرہ کرتے ہوئے آٹھ چھکوں اور نو چوکوں کی مدد سے 114 رنز بنائے اور ناٹ آئوٹ رہے ، قیصر 14 ، سلمان 11 رنز کے ساتھ نمایاںا سکور رہے ، شمع کولٹس کی جانب سے بہادر نے دو ، اختشام ، عباس نے ایک ایک کھلاڑی کو آئوٹ کیا ، جواب میں مطلوبہ ہدف کے تعاقب میں شمع کولٹس کی ٹیم 117 رنز بناسکی جس میں نورزمان 23 ، راخیل 19 ، اسد 16 ، فراز 14 رنز کے ساتھ نمایاں بیٹسمین رہے ، اس طرح میچ میں پمز اکیڈمی نے 49 رنز سے کامیابی حاصل کی ۔
