سکھر(نمائندہ جسارت) نائب امیر جماعت اسلامی پاکستان اسداللہ بھٹو نے دارلعلوم تفہیم القران سکھر میں سولر سسٹم کا افتتاح کیا، اس موقع پر سسٹم کی تفصیلات سے آگاہی حاصل کی ، علاوہ ازیں انہوں نے دارلعلوم تفہیم القران سکھرمیں شجر کاری گرین مدرسہ منصوبے کا بھی دورہ کیا، مہتمم دارالعلوم علامہ مولانا حزب اللہ جھکرو نے انہیں منصوبے کی تفصیلات سے آگاہ کیا۔ علاوہ ازیں اسداللہ بھٹو نے دارالعلوم میںششماہی امتحان کے انعقاد کے بعد نئے تعلیمی عمل کے آغاز پر طلبہ سے خطاب کیا اور دینی تعلیم کی اہمیت و ادارے کی تعلیمی کارکردگی پر روشنی ڈالی۔
