شیخوپورہ، ٹرین کی اسکول وین کو ٹکر سے تین طالب علم جاں بحق، 9زخمی

شیخوپورہ ( آن لائن )شیخوپورہ کے علاقے سریانوالہ جیتہ باڑیاں روڈ پر ٹرین کی اسکول وین کو ٹکر سے 3 طالب علم جاں بحق ہوگئے۔ جیتہ باڑیاں روڈ پر بغیر پھاٹک کے
ریلوے کراسنگ سے اسکول وین گزر رہی تھی جو ریلوے ٹریک پر پھنس گئی، اس دوران دوسری طرف سے آنے والی راوی ایکسپریس اسکول وین سے ٹکرا گئی جس کے نتیجے میں دو طالب علم موقع پر جاں بحق ہوگئے جب کہ دیگر زخمی ہوگئے۔ واقعے کی اطلاع ملنے پر ریسکیو اہلکاروں نے جائے حادثہ پر پہنچ کر امدادی کارروائیاں شروع کیں اور 9 طلبہ کو زخمی حالت میں اسپتال منتقل کیا جہاں ایک زخمی دم توڑ گیا۔