چین کی وزارت خارجہ کے ترجمان چاو لی جیان نے کہا ہے کہ چینی وزیر اعظم لی کھہ چھیانگ سولہ تاریخ کو ورلڈ اکنامک فورم گلوبل انٹرپرینیورز مذکرات سے ورچوئل خطاب کریں گے اور مختلف ممالک کے صنعت کاروں کے ساتھ بات چیت اور تبادلہ خیال کریں گے۔
چین کی وزارت خارجہ کے ترجمان چاو لی جیان نے ورلڈ اکنامک فورم گلوبل انٹرپرینیورز مذاکرات کے حوالے سے کہا کہ اس وقت دنیا کو بدستور وبا کا سامنا ہے، عالمی معیشت کی بحالی کو متعدد غیر یقینی اور غیر مستحکم عوامل کا سامنا ہے۔ عالمی برادری، بالخصوص ملٹی نیشنل کمپنیاں، چین کی اقتصادی ترقی کے مستقبل اور پالیسی رجحانات پر گہری توجہ دے رہی ہیں، اور چین کے ساتھ گہرا تعاون اور مزید وسعت ان کی عمومی توقع ہے۔
چاو لی جیان نے اس اعتماد کا اظہار کیا کہ موجودہ مذاکرات سے عالمی برادری کو چین کی اقتصادی صورتحال، اقتصادی پالیسیوں اور ترقی کی سمت کو مزید جامع اور درست طور پر سمجھنے میں مدد ملے گی، بین الاقوامی برادری بالخصوص عالمی کاروباری اداروں کے ساتھ چین کے تعاون کو گہرا کرنے میں مدد ملے گی اور تمام فریقوں کے درمیان رابطے اور ہم آہنگی کو مضبوط بنانے میں مدد ملے گی تاکہ بحران اور چیلنجوں کا مشترکہ طور پر جواب دیا جائے اور عالمی معیشت کی مستحکم بحالی کو فروغ دیا جائے۔
