شیخوپورہ میں سریانوالا کے قریب ایک اسکول وین ٹرین کی زد میں آگئی۔
ریسکیو حکام کے مطابق افسوس ناک حادثے میں 2 طالبات جاں بحق جبکہ 9 زخمی ہوگئے، 6 طالبات کو ابتدائی طبی امداد کے بعد گھر بھیج دیا گیا تاہم 3 زخمی طالبات اسپتال میں زیرِ علاج ہیں۔
ریسکیو حکام کا کہنا ہے کہ حادثہ پھاٹک نہ ہونے کی وجہ سے پیش آیا، اہل علاقہ نے حادثے پر ریلوے حکام کے خلاف احتجاج شروع کردیا جبکہ مشتعل افراد نے ٹرین روک لی۔
