ڈھاکہ: (سید وزیر علی قادری) قومی کرکٹ ٹیم کے ڈاکٹر نجیب سومرو وطن واپس آگئے ہیں، جس کے بعد بنگلا دیش کرکٹ بورڈ کے ڈاکٹر منظور چوہدری کو پاکستان کرکٹ ٹیم کا ڈاکٹر مقرر کر دیا گیا ہے۔
تفصیلات کے مطابق پی سی بی نے چیف میڈیکل آفیسر ڈاکٹر نجیب سومرو کو ٹی ٹوئنٹی ورلڈ کپ تک تعینات کیا گیا تھا، ورلڈ ٹی ٹوئنٹی میں قومی ٹیم کا سفر اختتام پذیر ہونے کے بعد ڈاکٹر نجیب سومرو وطن واپس آ گئے ہیں۔
ڈاکٹر نجیب سومرو پی سی بی کے چیف میڈیکل آفیسر بھی ہیں۔
ذرائع کا بتانا ہے کہ پاکستان کرکٹ بورڈ نے بنگلہ دیش کرکٹ بورڈ (بی سی بی) سے ایک ماہر ڈاکٹر کی دستیابی کی درخواست کی تھی۔ بنگلہ دیش کرکٹ بورڈ نے پی سی بی کو ڈاکٹر منظور کی خدمات فراہم کردی تھی۔
جس کے بعد پی سی بی نے ڈاکٹر منظور چوہدری کو پاکستان ٹیم کا ڈاکٹر مقرر کردیا ہے، ڈاکٹر منظور چوہدری نے ڈھاکا میں پاکستان ٹیم کو جوائن بھی کر لیا ہے۔
