نوابشاہ(سٹی رپورٹر)قومی شاہراہ پر کریم آباد کے نزدیک افسوسناک حادثہ پیش آیا جس کے نتیجے میں صادق آباد سے کراچی جانے والی مسافر وین ٹرالر کی زد میں آگئی جس کے نتیجے میں 2 افراد موقع پر ہی جاںبحق جبکہ7 افراد شدید زخمی ہوگئے۔ جاںبحق افراد کی لاشوں اور زخمیوں کو قاضی احمد اسپتال منتقل کر دیا گیا جہاں جاںبحق افراد کی شناخت وین ڈرائیور شاہد اور جمعہ خان کے نام سے ہوئی ہے جبکہ زخمیوں میں محمد صادق ،شوال علی مسمات رشیدہ،مسمات انجم، کامران علی عبید اور دیگر شامل ہے جبکہ زخمیوں میں سے 2 افراد کی حالت تشویشناک بتائی جاتی ہے ۔حادثہ کا شکار مسافر وین صادق آباد سے کراچی جارہی تھی۔
