پشاور(جسارت نیوز)آل پاکستان حاجی شمس الحق سینئر مینزا سکواش چمپئن شپ پاکستان ائرفورس کے نور زمان نے جیت لی ۔گزشتہ روز چمپئن شپ کا فائنل پشاور کے پی اے ایف ہاشم خان اسکواش کمپلیکس میں منعقد ہوا اس موقع پر ڈائریکٹر اسپورٹس پی اے ایف گروپ کیپٹن سید احمد مہمان خصوصیت تھے ان کے ہمراہ سابق اسکواش چمپئن قمرزمان ‘منصور زمان جنرل سیکرٹری سکواش ایسوسی ایشن ‘ شیر بہادر’ وزیر محمد’چیف ریفری عادل فقیر ‘چیف آرگنائزر منور زمان ‘کراٹے کوچ فضل خلیل اور دیگر شخصیات موجود تھیں’فائنل میں پی اے ایف کے نور زمان کا مقابلے پی اے ایف ہی کے مہران جاوید کیساتھ تھا جس میں نور زمان نے گیارہ سات’گیارہ پانچ اور گیارہ پانچ سے کامیابی حاصل کرکے ٹرافی جیت لی آخر میں مہمان خصوصی ڈائریکٹر اسپورٹس پی اے ایف گروپ کیپٹن سید احمد نے کھلاڑیوں میں انعامات تقسیم کیے’اسکواش لیجنڈ ‘پاکستان اسکواش فیڈریشن کے نائب صدر اور خیبرپختونخوا اسکواش ایسوسی ایشن کے چیئرمین قمرزمان نے میڈیا سے بات چیت کرتے ہوئے ڈائریکٹر اسپورٹس پی اے ایف کا شکریہ ادا کیا اور کہا کہ ان کی سپورٹ ہمیشہ ان کے ساتھ رہی ہے انہوں نے کہا کہ پاکستان اسکواش فیڈریشن کی بھی ہمیں بھرپور سپورٹ حاصل ہے ہمارے پاس ٹیلنٹ کی کوئی کمی نہیں نور زمان نے شاندارکارکردگی سے سینئر اسکواش چمپئن شپ جیت کریہ ثابت کیا ہے کہ وہ مستقبل میں ملک و قوم کے لئے مزید انٹرنیشنل اعزازات حاصل کرسکتے ہیں حال ہی میں انہوں نے اسلام آباد میں چار انٹرنیشنل ایونٹس میں کامیابی حاصل کی اور اب پشاور میں ٹاپ رینکنگ سینئر اسکواش چمپئن شپ میں پہلے نمبر پر رہے جو بہت بڑا اعزاز ہے اور امید ہے کہ وہ کامیابی کے تسلسل کو برقرار رکھتے ہوئے اب دگنی محنت کریں گے اور انٹرنیشنل سطح پر ملک و قوم کانام روشن کریںگے۔
