بلاول زرداری کی نوڈیرو سٹی کے مسائل حل کرنے کی ہدایت

لاڑکانہ (صباح نیوز) چیئرمین پیپلز پارٹی بلاول زرداری کی زیر صدارت نوڈیرو سٹی کے علاقے پیر جو گوٹھ میں پارٹی کے سٹی صدر ارشد شاہ کی رہائش گاہ پر جیالوں اور معززین کا اجلاس ہوا، بلاول زرداری اور فریال تالپور نے جیالوں کی جانب سے بتائے گئے ان کے حلقہ
انتخاب کے مسائل کو سنا اور حل کی تجاویز پر فوری عمل درآمد کی ہدایت کی ۔ بلاول زرداری کے ساتھ سندھ اسمبلی کی رکن فریال تالپور بھی موجود تھیں۔ اجلاس میں خورشید احمد جونیجو، جمیل سومرو، سہیل سیال، اعجاز لغاری، اعجاز جاکھرانی و دیگر شریک ہوئے ۔