ساہیوال: ضلع ساہیوال میں بینک لوٹنے کی بڑی واردات کرنے والے چار ڈاکو مبینہ پولیس مقابلے میں مارے گئے، پولیس نے بینک سے لوٹے گئے 33لاکھ روپے ڈاکوں کی گاڑی سے برآمد کرلیے ہیں۔
ساہیوال کے مڈھالی روڈ پر چار ڈاکوؤں نے نجی بینک میں واردات کی، ڈاکو کالے رنگ کی گاڑی میں آئے اور بینک کے باہر کھڑے گارڈ کو اندر لے جاکر تشدد کا نشانہ بنایا۔
بینک ڈکیتی کے بعد ڈاکو ملتان روڈ کی طرف فرار ہوئے، ون فائیو پر اطلاع ملتے ہی پولیس نے ناکہ بندی کرلی اور یوسف والا میں پولیس اور ڈاکوؤں کا آمنا سامنا ہوا، اس دوران پولیس اور ڈاکوؤں کے درمیان فائرنگ کے تبادلے میں چار ڈاکو مارے گئے۔
پولیس کے مطابق ہلاک تین ڈاکوؤں کی شناخت ریاض، ندیم اور اندراس کے نام سے ہوئی جبکہ ہلاک ہونے والے دو ڈاکو لاہور کے رہائشی تھے، پولیس نے بینک سے لوٹے گئے 33لاکھ روپے ڈاکوں کی گاڑی سے برآمد کرلیے ہیں۔
