اسلام آباد: انٹرنیشنل ائیر پورٹ اسلام آباد پر بین الاقوامی فضائی آپریشن متاثر، مسافروں نے بین الاقوامی کاؤنٹر کے سامنے دھرنا دے دیا، رات سے مسافر پریشان انتظامیہ خاموش فلائٹ کا صحیح ٹائم بتانے سے قاصرہیں۔
تفصیلات کے مطابق پی آئی اے کی پرواز پی کے 211 تقریبا 11 گھنٹوں سے زائد تاخیر کا شکار ہے جس کے باعث مسافروں نے بین الاقوامی کائونٹر پر دھرنا دے دیا ہے۔
مسافروں کا کہنا تھا کہ اسلام آباد ائیر پورٹ پر نہ بیٹھے کی جگہ ہے اور نہ ہی کوئی سہولت فراہم کی گئی ہے جبکہ پی آئی اے انتظامیہ نے کھانا بھی نہیں فراہم کیا، ہمیں معلوم نہیں کب جہاز کب راس ال خیمہ روانہ ہوگا۔
فلائیٹ انکوائری کے مطابق جہاز کو دن 10بجے روانہ ہونے کا امکان تھا۔
واضح رہے کہ فلائٹ پی کے 211 کو اسلام آباد سے راس ال خیمہ رات 9 بجے روانہ ہونا تھی۔
