پاکستان مسلم لیگ(ن)پنجاب کی ترجمان عظمی بخاری نے کہا کہ شوگر مافیا کی سرپرستی عمران خان خود کررہے ہیں،عدلیہ کے احکامات اور شوکت ترین کو کسی نے سنجیدہ نہ لیا، نجی ٹی وی کے مطابق انہوں نے کہا کہ چھ ماہ پہلے اسلام آباد ہائیکورٹ نے حکم دیا چینی 70روپے فروخت کی جائے، حکومت نے اس عدالتی حکم پر بھی عمل نہیں کرایا، حکومت اپنے کمیشن اور عدالتی احکامات پر بھی عملدرآمد کرانے کے قابل نہیں ،انہوں نے کہا کہ شوگر ملز ایسوسی ایشن کے پاس 4دن کا اسٹاک ہے، لگتا ہے باقی ذخیرہ عثمان بزدار، اسلم اقبال اور حسان خاور کے دفاتر میں ہوگا،عظمی بخاری کا کہناتھا کہ شوگر مافیا آج پاکستان کا طاقتور مافیا بن چکا ہے، شوگر مافیا کی سرپرستی عمران خان خود کررہے ہیں،انہوں نے کہا کہ عمران خان نے جس دن شوگرمافیا کےخلاف ایکشن لیا وہ دن حکومت کا آخری دن ہوگا۔
