بلاول نے فوٹوشاپ کرکے نازیبا تصاویر دکھائیں، حلیم عادل

کراچی(آن لائن) اپوزیشن لیڈر سندھ اسمبلی حلیم عادل شیخ نے کہا ہے دکھ کے ساتھ پریس کانفرنس کر رہا ہوں میڈیا کو بتانا چاہتا ہوں کہ سیاسی نابالغ قیادت نے اخلاقایات کو کہاں پہنچا دیا ہے ان کے حرکات کی وجہ سے بینظیر بھٹو شہید اور ذوالفقار علی بھٹو کی روحیں بھی تڑپ رہی ہونگی۔بلاول زرداری اور ان کی پارٹی نے میرے قائد کے خلاف فوٹو شاپ کے ذریعے نازیبا
تصاویر بنائی کر جلسوں میں دکھائی جس کی سخت مذمت کرتا ہوں۔ سندھ اسمبلی میں پریس کانفرنس سے خطاب کرتے ہوئے انہوں نے کہا کہ میرے کسی ساتھی کو نقصان پہنچا تو ذمے دار بلاول زرداری ہوگا ان کی گھٹیا حرکتوں نے پیپلزپارٹی کو ایک صوبے تک محدود کردیا ہے۔ پیپلزپارٹی کی اعلیٰ قیادت سے کہتا ہوں سیاسی اخلاقیات پر کوئی کمیٹی بنانا چاہتے ہیں تو ہم بات چیت کے لیے تیار ہیں جس میں سینئر سیاستدانوں کو شامل کیا جائے اور سیاسی اخلاقیات طے کی جائیں۔ حلیم عادل شیخ نے کہا کہ پیپلزپارٹی میں پرانے سسٹم ادی سسٹم، ڈیڈی سسٹم، ٹپی سسٹم، اومنی سسٹم ختم ہوچکے ہیں اب یہ نیا سسٹم آگیا ہے جس کی ذریعے کرپشن کی جارہی ہے ڈیسک کرپشن اسکینڈل میں بھی یہ نیا سسٹم ملوث ہے تصاویر میڈیا کو دکھا رہا ہوں سندھ کا یہ سسٹم ایک کنٹیر میں کیا خفیہ ڈیل کرتے دکھائی دے دے رہے ہیں۔