اٹک (صباح نیوز+ مانیٹرنگ ڈیسک) اٹک کے قریب جنڈ کے مقام پر ٹریفک حادثے کے نتیجے میں 3افراد جاں بحق اور8 زخمی ہو گئے۔ تفصیلات کے مطابق راولپنڈی سے کالاباغ جانے والی مسافر وین جنڈ کے قریب جھمبٹ روڈ پر بریک فیل ہونے کی وجہ سے 20 فٹ گہری کھائی میں جا گری، حادثے کے نتیجے میں گاڑی میں آگ بھڑک اٹھی اور جس سے 3 افراد جھلس کر جاں بحق جبکہ 8 دیگر زخمی ہو گئے۔ ریسکیو 1122 نے موقع پر پہنچ کر نعشوں اور زخمیوں کو تحصیل ہیڈکوارٹرز اسپتال جنڈ منتقل کیا، زخمیوں میں سے کچھ کی حالت تشویشناک بتائی گئی۔ حادثے کا شکار ہونے والی گاڑی راولپنڈی سے کالاباغ جارہی تھی۔
