سکھر (نمائندہ جسارت) محکمہ ایکسائز پولیس سندھ کی رتودیرکے قریب کی بڑی کارروائی، 30 کلو گرام چرس پکڑ لی۔ دو ملزمان بھی گرفتار، ملزمان میر احمد جمالی اور محمد پھٹان جمالی ٹرک نمبر445 TKAمیں چرس لے جارہے تھے, ملزمان کو جاگیرانی بائی پاس لاڑکانہ رتو ڈیرو روڈ سے گرفتار کیا گیا، ملزمان کے خلاف مقدمہ درج کر کے تفتیش شروع کردی گئی ہے۔ صوبائی وزیر برائے ایکسائز اینڈ ٹیکسیشن و انسداد منشیات مکیش کمار چاؤلہ نے کامیاب کارروائی پر مبارکباد دیتے کہا ہے کہ منشیات فروشوں کے خلاف گھیرا تنگ کیا جائیگا، محکمہ ایکسائز اینڈ ٹیکسیشن و انسداد منشیات ہر سطح پر منشیات فروشوں کے خلاف کارروائی کررہا ہے۔
