کراچی (اسٹاف رپورٹر)پاکستان ٹینس فیڈریشن کے زیرِاہتمام سندھ ٹینس ایسوسی ایشن 10 نومبر بروز بدھ یونین کلب کراچی میں صبح 10 بجے سے دوپہر 00-1 بجے تک 3 گھنٹے کی جونیئر ٹینس انیشی ایٹو ورکشاپ کا انعقاد کرے گی۔ محکمہ اسپورٹس حکومت سندھ اس دورے میں مدد فراہم کر رہا ہے۔آئی ٹی ایف کے کوالیفائیڈ کوچ حامد نیاز، پاکستان ٹینس فیڈریشن کے قومی جونیئر ٹینس انیشی ایٹو کوآرڈینیٹر 9 سے 12 نومبر تک سندھ کا دورہ کریں گے۔ وہ ورکشاپ کے انسٹرکٹر ہوں گے۔ جب کہ وہ اس موقع پر کراچی کے چند اسکولوں کا بھی دورہ کریں گے ۔
