لاڑکانہ (نمائندہ جسارت)پیپلزپارٹی کے چیئرمین بلاول زرداری نے لاڑکانہ میں پارٹی کے صوبائی صدر نثارکھوڑو کی رہائش گاہ پر پارٹی رہنماؤں سے ملاقات کی ہے۔اس موقع پر پی پی چیئرمین نے یوسی 4 کے صدر خادم حسین ابڑو سے ان کی والدہ جبکہ رجب علی میرانی سے ان کی ہمشیرہ کے انتقال پر تعزیت بھی کی، بلاول زرداری کو جیالوں نے ان کے انتخابی حلقے کے مسائل اور ان کے حل کے حوالے سے تفصیلی بریفنگ دی، چیئرمین بلاول زرداری نے جیالوں کی تجاویز اور شکایات کو بغور سنا، فوری حل کیلیے احکامات بھی جاری کیے۔
