ٹھٹھہ (نمائندہ جسارت) ٹھٹھہ پولیس کی منشیات وگھٹکا فروش، جرائم پیشہ عناصر کے خلاف کارروائیاں جاری مزید 4 ملزمان گرفتار 200 کلو گھٹکا مٹیریل 3200 پیکٹ گھٹکا ماوا 1100 انڈین گھٹکا اور ایک موٹر سائیکل برآمد۔ تفصیلات کے مطابق ایس ایچ او و انسپکٹر گھارو تھانہ خالد ندیم بیگ سب انسپکٹر امداد حسین پھنور نے معہ اسٹاف کے دوران گشت خفیہ اطلاع ملنے پر نئی آبادی گھارو میں ملزم سبز علی خاصخیلی کے گھٹکا تیار کرنے والے اڈے پر کامیاب کارروائی کرکے ایک ملزم سبز علی خاصخیلی کو 200 کلو گھٹکا مٹیریل اور 1000 پیکٹ گھٹکا ماوا سمیت جھرک تھانے کے سب انسپکٹر نے معہ اسٹاف کے ایک ملزم ہادی بخش برفت کو 1100 پیکٹ انڈین گھٹکا اور ایک موٹر سائیکل Z21 سمیت گاڑھو کے انسپکٹر میر محمد عباسی نے معہ اسٹاف کے ایک ملزم محمد پنھل خاصخیلی کو 1000 پیکٹ گھٹکا ماوا سمیت سب انسپکٹر تھانہ گھوڑا باری منظور حسین پٹھان اور انچارج پولیس پوسٹ پیر پٹھو ظفر علی زئور نے معہ اسٹاف کے ایک ملزم محمد جمن سوڑیو کو 1200 پیکٹ گھٹکا ماوا سمیت گرفتار کرلیا تمام ملزمان کے خلاف مقدمات درج کرلیے گئے۔
