میرپورخاص (نمائندہ جسارت) مٹھائی کی دکان پر بیٹھے مری برادری سے تعلق رکھنے والے شخص پر نامعلوم افراد کا حملہ، کلہاڑیوں اور ڈنڈوں کے وار سے سخت زخمی کر کے فرار ہوگئے۔ میرپورخاص کھان ناکہ کے قریب ایک مٹھائی کی دکان پر بیٹھے کھان کے رہائشی چاکر خان مری پر موٹر سائیکل پر سوار نامعلوم افراد نے حملہ کردیا اور اسے کلہاڑیوں اور ڈنڈوں کے وار سے سخت زخمی کر کے فرار ہوگئے، زخمی چاکر خان کو فوری طور پر سول اسپتال لایا گیا، جہاں طبی امداد کے بعد زخمی کو نازک حالت میں حیدر آباد منتقل کردیا گیا جبکہ پولیس کے مطابق واقعے کا کیس داخل نہیں ہوا۔
