کراچی(اسٹاف رپورٹر)الرحمٰن کرکٹ کلب کے زیر اہتمام منعقدہ محمد زبیر محمدی میموریل کرکٹ ٹورنامنٹ میں 2میچوںکے فیصلے ہوگئے،ٹی ایم سی کرکٹ گرائونڈ پر کھیلے گئے پہلے میچ میں داؤد اسپورٹس نے لاروش کرکٹ کلب کو باآسانی 8 وکٹوں سے شکست دیکر کوارٹر فائنل تک رسائی حاصل کرلی لاروش کرکٹ کلب کی پوری ٹیم پہلے بیٹنگ کرتے ہوئے 23۰1 اوورز میں 94 رنز بناکر آوٹ ہوگئی فرقان شکیل نے 30 رنز اسکور کیے، داؤد اسپورٹس کی جانب سے جنید نعیم ، ضیاء اللّٰہ اور فیصل طاہر نے دو، دو کھلاڑیوں کو آئوٹ کیا۔ جواب میں داؤد اسپورٹس نے مطلوبہ ہدف 96 رنز باآسانی 11 اوورز میں دو وکٹوں کے نقصان پر پورا کرلیا ذاکر ملک نے جارحانہ بیٹنگ کا مظاہرہ کرتے ہوئے 32 گیندوں پر چھ چوکّوں اور پانچ چھکوں کی مدد سے 62 رنز جبکہ حیدر عباس نے ناقابل شکست 19 رنز اسکور کیے۔ دوسرے میچ میں تیسر ٹاون ٹائیگر کرکٹ کلب نے دو آب کرکٹ کلب کو 42 رنز سے شکست دے کر کوارٹر فائنل تک رسائی حاصل کرلی تیسر ٹاؤن ٹائیگر کرکٹ کلب نے پہلے بیٹنگ کرتے ہوئے مقررہ اوورز میں پانچ وکٹوں کے نقصان پر 265 رنز اسکور کیے گلزار علی نے شاندار بیٹنگ کا مظاہرہ کیا اور72 گیندوں پر سنچری اسکورکی۔ جواب میں دوآب کرکٹ کلب نے مقررہ اوورز میں آٹھ وکٹوں کے نقصان پر 223 رنز اسکور کیے۔ عون جعفری نے 51 رنز ، طلحٰہ صدیقی نے 50 رنزبنائے۔
