لاہور(نمائندہ جسارت)امیر جماعت اسلامی سراج الحق آج منصورہ میں ہونے والے ’’سید ابوالاعلیٰ مودودیؒ ایک عہد ساز شخصیت‘‘ سیمینار سے بطور مہمانِ خصوصی خطاب کریں گے۔ چیئرمین علما و مشائخ رابطہ کونسل خواجہ معین الدین محبوب کوریجہ سیمینار کی صدارت کریں گے۔ مقررین میں نائب امیر جماعت اسلامی ڈاکٹر فرید احمد پراچہ، صدر علما و مشائخ رابطہ کونسل میاں مقصود احمد، مفتی شبیر ا حمد انجم، ڈاکٹر طارق شریف زادہ، محمد انور گوندل اور صاحبزادہ برہان الدین عثمانی شامل ہیں۔
