لاہور: پاکستان کرکٹ بورڈ نے نئے چیف ایگزیکٹو آفیسر کی تلاش کے لیے اشتہار دے دیا ہے۔
تفصیلات کے مطابق پاکستان کرکٹ بورڈ نے وسیم خان کے مستعفی ہونے کے بعد نئےچیف ایگزیکٹو کی تلاش شروع کردی ہے، اس حوالے سے اشتہار بھی جاری کردیا گیا ہے،عہدے کے خواہش مند اور معیار پر پورا اترنے والے امیدوار 27 اکتوبر تک درخواستیں جمع کرا سکتے ہیں۔
پی سی بی کے چیف ایگزیکٹو آفیسر کے عہدے کے لیے مدت ابتدائی طور پر تین سال کی رکھی گئی ہے۔
خیال رہے کہ بورڈ میں سی ای او کا عہدہ اس وقت خالی ہے ،سی او او سلمان نصیر کو چیف ایگزیکٹو آفیسر کی اضافی ذمہ داری سونپی گئی ہے۔
