لاڑکانہ(نمائندہ جسارت) لاڑکانہ کے قریب عاقل تھانہ کی حدود لاڑکانہ بائی پاس روڈ پر تیز رفتار ٹرک کی زد میں آکر گاؤں مسوحب کا رہائشی 9 سالہ بچہ حسنین شیخ شدید زخمی ہوگیا، اطلاع پر حد کے تھانہ کی پولیس نے پہنچ کر ٹرک تحویل میں لیتے ہوئے ڈرائیور کو گرفتار کرکے لاک اپ کردیا۔ بعد ازاں ورثا کی جانب سے زخمی بچے کو تشویشناک حالت میں چانڈکا اسپتال کے شعبہ حادثات منتقل کیا گیا جہاں دوران علاج بچہ دم توڑگیا۔ دوسری جانب متوفی بچے کی نعش ورثاکے حوالے کردی گئی۔
