نوابشاہ(نمائندہ جسارت)نواب شاہ میں ہاؤسنگ اسیکم کے قریب دھماکے میں راہ گیر زخمی ہوگیا، پولیس کو واقعے کی سی سی ٹی وی فوٹیج مل گئی ہے۔پولیس کے مطابق سی سی ٹی وی ویڈیو میں 2 موٹر سائیکل سواروں کو دھماکا خیز مواد پھینکتے ہوئے دیکھا جاسکتا ہے، دھماکے کی جگہ سے بم میں استعمال ہونے والامواد نہیں ملا ہے۔ڈی آئی جی عرفان بلوچ کا کہنا ہے کہ دھماکا دیسی ساختہ کم شدت کا تھا، تحقیقات جاری ہیں،لگتاہے واردات میں ریلوے ٹریکس پر دھماکے کرنے والے عناصر ملوث ہیں۔
