سکھر (نمائندہ جسارت) پنو عاقل میں ٹرالر کی ٹکر سے 3 افراد جاں بحق ہوگئے، پولیس کی مطابق حادثہ تیز رفتاری کے باعث پیش آیا، جاں بحق ہونے والوں میں ایک بچی بھی شامل ہے۔ دوسری جانب سکھر پولیس کا جرائم پیشہ اور سماجی برائیوں میں ملوث ملزمان کے خلاف کریک ڈاؤن جاری، مختلف کارروائیوں میں 28 ملزمان گرفتار، مقدمات درج۔ تفصیلات کے مطابق دادلو پولیس نے ایک کارروائی میں منشیات فروش نزاکت مورانو کو گرفتار کرکے 1000 گرام بھنگ برآمد کرلی۔ اے سیکشن سکھر پولیس نے مختلف کارروائیوں میں شراب، گٹکا و منشیات فروشوں اور جواریوں سمیت 17 ملزمان کو گرفتار کرکے ان سے شراب کی بوتلیں، گٹکا، انڈین چھالیہ، چرس، جوا کی مختلف اقسام کی گیمز تحویل میں لے کر مقدمہ درج کرلیا، گرفتار ملزمان عبداللہ بندھانی، اسد اللہ شیخ، عبدالرحمن، عابد بندھانی، جواریوں میں شفیع محمد، ولید، احمد و دیگر شامل ہیں۔ علاوہ ازیں پنو عاقل پولیس نے کارروائیوں کے دوران جواری اور منشیات فروش سمیت 7 ملزمان گرفتار کرکے جوئے کی مختلف اقسام کی گیمز اور چرس برآمد کرلی اور مقدمہ درج کر لیا۔ گرفتار ملزمان میں جواد احمد، شمس، ولید فواد اور واحد و دیگر شامل ہیں، سائیٹ پولیس نیخفیہ اطلاع پر کارروائی کرتے ہوئے شراب فروش ظہیر شیخ کو گرفتار کرکے شراب کی بوتلیں برآمد کرلیں اور مقدمہ درج کرلیا۔
