کراچی(اسٹاف رپورٹر) الرحمٰن کرکٹ کلب کے زیراہتمام منعقدہ محمد زبیر محمدی میموریل کرکٹ ٹورنامنٹ میں مزید 2 میچوں کے فیصلے ہوگئے ٹی ایم سی کرکٹ گرائونڈ پر کھیلے گئے پہلے میچ میں منصورہ اسپورٹس نے الشہزاد کرکٹ کلب کو پانچ وکٹوں سے شکست دیدی ۔الشہزاد کرکٹ کلب کی پوری ٹیم پہلے بیٹنگ کرتے ہوئے 25۰3 اوورز میں 137 رنز بناکر آوٹ ہوگئی ضیاء خان نے 75 رنز کی قابل ذکر اننگ کھیلی، منہاج غوری اور زوہیب علی خان نے3،3 جبکہ محمد عاکف نے دو کھلاڑیوں کو آئوٹ کیا جواب میں منصورہ اسپورٹس نے مطلوبہ ہدف 139 رنز 21 اوورز میں 5وکٹوں کے نقصان پر پورا کرلیا خالد خان نے ناقابل شکست 40 رنز اور مطیع الرحمٰن نے 27 رنز اسکورکیے۔ محمد علیم اور سجاد رشید نے 2،2 کھلاڑیوں کو آئوٹ کیا ۔ٹی ایم سی کرکٹ گراونڈ پر کھیلے گئے دوسرے میچ میں تیسر ٹاؤن ٹائیگر نے نیو کراچی جمخانہ کو دلچسپ اور سنسی خیز مقابلے کے بعد 2 وکٹوں سے شکست دے دی۔ نیو کراچی جمخانہ نے پہلے بیٹنگ کرتے ہوئے 7 وکٹوں کے نقصان پر 186 رنز اسکور کیے۔
