پیغام رسانی کیلئے استعمال کی جانیوالی مقبول ترین ایپلی کیشن واٹس ایپ اپنی پرائیوسی سیٹنگ میں تبدیلیکرتے ہوئے صارفین کیلئے جلد ایک نیا فیچر متعارف کروانے جا رہی ہے۔
ایپلی کیشن کی ہر سرگرمی پر نظر رکھنے والی ویب سائٹ ویب بیٹا انفو کے مطابق اس بار واٹس ایپ پروفائل فوٹو کی سیٹنگز میں کچھ تبدیلی کرنے والا ہے۔
ویب سائٹ ویب بیٹا انفو کے مطابق واٹس ایپ صارفین کی پرائیویسی کا خیال کرتے ہوئے جلد ایک نیا فیچر متعارف کروانے جا رہی ہے،واٹس ایپ پر آپ کی پروفائل فوٹو کون دیکھ سکتا ہے، اس کیلئے 3 آپشنز موجود ہیں، ( Everyone)، مائی کانٹیکٹس (My contacts)، نوبڈی (Nobody) ۔ یعنی تصویر یا تو سب دیکھ سکتے ہیں۔
تاہم اب واٹس ایپ جلد ایک آپشن کا اضافہ کرنے جا رہا ہے جس کے تحت آپ یہ فیصلہ کرسکیں گے کہ کانٹیکٹس میں شامل کون آپ کی پروفائل پکچر دیکھ سکتا ہے اور کون نہیں۔
ابتدائی طور پر مذکورہ فیچر سے واٹس ایپ کے بیٹا ورژن صارفین مستفید ہوسکیں گے البتہ فیچر تک رسائی کب تک ممکن ہوگی اس کا تاحال اعلان نہیں کیا گیا ہے۔
