سکھر (نمائندہ جسارت) قومی شاہراہ پر پنو عاقل میں تیز رفتار ٹرک کی کوکنگ آئل ٹینکر کو ٹکر، ٹرک کی ٹکر سے آئل ٹینکر میں سائیڈ سے رسائو شروع ہوگیا۔ آئل گر کر شاہراہ پر بہنے لگا، پنو عاقل کے شہری موقع غنیمت جان کر برتنوں سمیت حادثے کے مقام پر پہنچ گئے۔ شہریوں نے برتنوں میں کوکنگ آئل جمع کرنا شروع کردیا۔ رش کے باعث ایک دوسرے میں دھکم پیل ہوتی رہی۔ شہری کوکنگ آئل بالٹیوں، کولر اور دیگر برتنوں میں بھر کے گھروں کو لے جانے لگے جنہیں بعد ازاں منتشر کیا گیا۔
