وفاقی دارالحکومت اسلام آباد میں گاڑی کھائی میں گرنے سے ایک ہی خاندان کے 7 افراد جاں بحق ہوگئے۔
تفصیلات کے مطابق تھانہ بھارہ کہو کی حدود میں ٹریفک حادثہ پیش آیا، طوفانی بارش کی وجہ سے گاڑی کنٹرول سے باہر ہو کر کھائی میں جا گری۔
حادثے کے نتیجے میں 7 افراد جاں بحق ہو گئے جن میں 3 خواتین ، 3 بچیاں اور ایک نوجوان شامل ہے۔
حادثہ رات گئے بارش کے باعث پیش آیا اور پولیس کو صبح خبر ہوئی ،تمام افراد شادی میں شرکت کے لیے جارہے تھے۔
پولیس نے واقعے کی تحقیقات شروع کردیں اور ضابطے کی کارروائی کے بعد میتیں اہل خانہ کے حوالے کر دی ہیں۔
