اسلام آباد(آن لائن)سپریم کورٹ پرنسپل سیٹ اسلام آباد کیلیے آئندہ عدالتی ہفتے کا ججز روسٹر اور کاز لسٹ جاری کر دی گئی ۔ ہفتہ کو عدالت عظمی سے جاری ججز روسٹر کے مطابق پرنسپل سیٹ اسلام آباد میں 27 ستمبر سے یکم اکتوبر5 بینچز مختلف مقدمات کی سماعت کریں گے ۔ بینچ ایک چیف جسٹس گلزار احمد، جسٹس مظہر عالم اور جسٹس محمد علی مظہر پر مشتمل ہوگا ، بینچ دو میں جسٹس عمر عطا بندیال،جسٹس منصور علی شاہ اور جسٹس منیب اختر شامل ہوں گے ،بینچ تین جسٹس مقبول باقر،جسٹس یحیی آفریدی اور جسٹس قاضی محمد امین پر مشتمل ہوگا ،بینچ چار میں جسٹس سردار طارق، جسٹس امین الدین خان اور جسٹس جمال خان مندوخیل شامل ہیں ،بینچ پانچ جسٹس اعجاز الاحسن اور جسٹس سجاد علی شاہ پر مشتمل ہوگا۔
