لاہور( نمائندہ جسارت) امیر جماعت اسلامی سراج الحق اور دیگر مرکزی قیادت آج سے گوجرانوالہ کا 3 روزہ دورہ کرے گی۔ سیکرٹری اطلاعات قیصرشریف کے مطابق دورے کے دوران قائدین جماعت اسلامی، بزنس کمیونٹی، مقامی قائدین و کارکنان
جماعت اسلامی، شعبہ خواتین، علما، وکلا، صحافی حضرات، اساتذہ، ڈاکٹرز اور دیگر شعبہ ہائے فکر سے تعلق رکھنے والی شخصیات سے ملاقات کریں گے۔ امیر جماعت مختلف پروگراموں میں شرکت اور خطاب کریں گے اور جماعت اسلامی کی دعوت اور آئندہ کا لائحہ عمل بیان کریں گے۔
