سکھر (نمائندہ جسارت) سکھر میں پولیس مقابلہ، تھانہ سی سیکشن کی حدود میں پولیس اور ڈاکوؤں کے درمیان مقابلہ، تین ڈاکو زخمی حالت میں گرفتار اسلحہ برآمد، ساتھی فرار ،گرفتار زخمی ڈاکوؤں کی شناخت ڈھولن عرف ڈھولو شر، علی ڈنو عرف گڈو لک، اور علی گل شیخ کے نام سے ہوئی۔ ایس ایس پی سکھر عرفان علی سموں کے مطابق گرفتار ڈاکو موٹر سائیکل اسنیچنگ چوری ڈکیتی پولیس مقابلوں سمیت متعدد سنگین وارداتوں میں مطلوب تھے۔ گرفتار ڈاکوؤں کے قبضے سے پستول میگزین اور گولیاں برآمد ہوئیں۔
