اسلام آباد(صباح نیوز)اسلام آباد کی احتساب عدالت نے کرپشن ریفرنس میں سابق وزیراعظم اور پیپلز پارٹی کے جنرل سیکرٹری راجا پرویز اشرف کی بریت کی درخواست مسترد کردی ۔ سابق سیکرٹری سکندر حیات میکن، سابق ایگزیکٹو ڈائریکٹر اوگرا جاوید نذیر کی درخواستیں بھی مسترد کردی گئیں ۔ احتساب عدالت نے راجا پرویز اشرف سمیت تمام ملزمان کے ٹرائل جاری رکھنے کا حکم دیا ہے۔ خیال رہے کہ کرپشن ریفرنس میں 6 ملزمان نامزد ہیں۔ ملزمان پر خلاف قانون اور میرٹ سے ہٹ کر توقیر صادق کو چیئرمین اوگرا تعینات کرنے کا بھی الزام ہے۔
