اسلام آباد: لیز پر حاصل کردہ ایئربس طیارے کے اسلام آباد پہنچنے سے پی آئی اے کے بیڑے میں مزید اضافہ ہوگیا۔
ذرائع کے مطابق لیز پر حاصل کردہ ایئربیس طیارہ اسلام آباد پہنچ گیا، ٹینڈر کے ذریعے دو طیارے لیے گئے ہیں، دوسرا طیارہ کچھ دنوں میں پاکستان پہنچے گا۔
لیز پر حاصل کردہ دونوں طیارے 2017 ساخت کے ہیں۔ پی آئی اے اپنے مہمانوں کو بہتر اور آرام دہ سفری سہولیات مہیا کرے گا۔
ترجمان پی آئی اے کا کہنا ہے کہ کوویڈ اور عالمی ہوابازی کے حالات کے باعث پی آئی اے گزشتہ 2 سال سے طیارے حاصل نہیں کرسکا۔
