ٹھٹھہ (نمائندہ جسارت) ایس ایس پی ٹھٹھہ ڈاکٹر محمد عمران خان کی خصوصی ہدایات پر ضلع بھر میں پولیس کی کامیاب کارروائیوں کا سلسلہ تیز، ٹھٹھہ پولیس نے 4 ملزمان کو گرفتارکر کے ایک کلو سے زائد چرس، 90 لیٹر، 70 بیگ دیسی شراب اور مہران کار برآمد کرلی۔ ایس ایس پی ٹھٹھہ ڈاکٹر محمد عمران خان کی خصوصی ہدایات پر تیزی سے عمل جاری ہے، ایس ایچ او و انسپکٹر ٹھٹھہ تھانہ عبدالمجید بروہی انچارج پولیس پوسٹ ٹھٹھہ اے ایس آئی شوکت علی درس، انچارج پولیس پوسٹ چھتو چند، اے ایس آئی راجا ظفر راجپوت نے مع اسٹاف دوران گشت ٹھٹھہ شہر کے مختلف مقامات پر کارروائیاں کرکے روپوش سمیت چار ملزمان علی رضا شاہ، فاروق گھرانو کو ایک کلو 20 گرام چرس اور مہران کار سمیت گرفتار کرلیا جبکہ قدو خان پٹھان اور شیر خان ملاح کو 90 لیٹر 70 بیگ دیسی شراب سمیت گرفتار کرکے تھانہ ٹھٹھہ پر الگ الگ مقدمات درج کرلیے گئے، اس کے علاوہ تھانہ ٹھٹھہ پر پولیس فرائض میں مداخلت کرنے اور فراڈ کے مقدمے میں مطلوب و روپوش ملزم انور جاکھرو کو گرفتار کرلیا۔ ٹھٹھہ پولیس کی کامیاب کارروائیوں پر ٹھٹھہ شہر کے رہائشیوں نے ایس ایس پی ٹھٹھہ ڈاکٹر محمد عمران خان ایس ایچ او تھانہ ٹھٹھہ عبدالحمید بروہی، انچارج پولیس پوسٹ ٹھٹھہ اور چھتو چند شوکت علی درس اور راجا ظفر راجپوت اور پوری پولیس پارٹی کو خراج تحسین پیش کیا ہے۔
