ندھکوٹ (نمائندہ جسارت) سکھر کے علاقے سنگرار سے اغوا ہونے والی 7 سالہ بچی پریا کی بازیابی کے لیے مظاہرہ۔ سندھی ہندو سجاگ تحریک اور سول سوسائٹی کی جانب سے گھنٹہ گھر چوک سے پریس کلب تک مظاہرے کی قیادت سنجے کمار، سجاد بروہی اور دیگر نے کی۔ مظاہرے میں سول سوسائٹی کے رہنماؤں نے بھی شرکت کی۔ یوم عاشور پر سات سالہ بچی پریا کے اغوا ہونے والے واقعے کی شدید الفاظ میں مذمت کرتے ہیں، پولیس بچی کو بازیاب کرانے میں ناکام دکھائی دے رہی ہے، اغوا ہونے والی بچی کو جلد از جلد بازیاب کروایا جائے، بصورت دیگر سندھ بھر میں احتجاجی تحریک شروع کی جائے گی۔
