ملتان(نمائندہ خصوصی) پاکستان فٹ بال فیڈریشن کے زیراہتام 13 ویں پاکستان پریمیئر فٹ بال لیگ میں خان ریسرچ لیبارٹریز راولپنڈی (کے آر ایل) اور مسلم کلب چمن کی ٹیموں نے اپنے ، اپنے حریفوں کو شکست دے دی ،پاکستان آرمی اور پاکستان نیوی کو شکست کا سامنا کرنا پڑا جبکہ کے آر ایل کی جانب سے عالمگیر علی خان نے میچ کے دوران اپنی پہلی شاندار ہیٹ مکمل کی، قاسم باغ فٹ بال اسٹیڈیم میں کھیلے گئے پہلے میچ میں خان ریسرچ لیبارٹریز راولپنڈی (کے آر اایل) نے پاکستان نیوی کے خلاف 5-2 گول سے کامیابی حاصل کی، وقفے تک کے آر ایل کو پاکستان نیوی کے خلاف 3-0 گول کی برتری حاصل تھی، فاتح ٹیم کی جانب سے عالمگیر علی خان نے 3جبکہ علی خان اور عمران خان نے ایک، ایک گول کیا، پاکستان نیوی کی جانب سے اویس گل اور نعمان نے ایک، ایک گول کیا، دوسرا میچ پاکستان آرمی اور مسلم کلب چمن کی ٹیموں کے درمیان کھیلا گیا جس میں مسلم کلب نے پاکستان آرمی کو ایک سخت مقابلے کے بعد 1-0 گول سے ہرا دیا۔
