سکھر (آن لائن) پیپلز پارٹی کے رہنما خورشید شاہ کو2 برس بعد سکھر جیل منتقل کردیا گیا‘ آمدن سے زاید اثاثہ جات کیس میں گرفتار رہنما2 برس سے این آئی سی وی ڈی اسپتال میں زیر علاج تھے۔ خورشید شاہ کو2 برس قبل نیب نے اسلام آباد سے گرفتار کیا تھا اور راہداری ریمانڈ لے کر ان کو سکھر لایا گیا تھا جہاں پر نیب کی تحویل میں ان کی طبیعت خراب ہونے پر انہیں این آئی سی وی ڈی اسپتال منتقل کیا گیا تھا جس کے ایک فلور کو بعد میں وزارت داخلہ سندھ نے سب جیل قرار دیا تھا خورشید احمد شاہ نے اپنی ضمانت کے لیے ملک کی اعلیٰ عدالتوں میں درخواستیں دیں مگر ان کی ضمانت جیل کسٹڈی میں نہ ہونے کی وجہ سے عدالتوں نے منظور نہیں کی جس کے بعد خود خورشید شاہ نے ضمانت کرانے کے لیے جیل جانے کی خواہش کا اظہار کیا تو جمعے کو انہیں جیل منتقل کردیا گیا۔
