بھارت کے خلاف تیسرے ٹیسٹ میں سنچری بناکر ٹیم کو کامیابی سے ہمکنار کرنے والے انگلش کپتان نے نمبر ون ٹیسٹ بیٹسمین بن گئے۔
کرکٹ کے عالمی نگراں ادارے انٹرنیشنل کرکٹ کونسل آئی سی سی نے نئی ٹیسٹ کرکٹ کی رینکنگ جاری کردی ہے۔ انگلش کپتان جوئے روٹ نے کیوی کپتان کین ولیمسن سے پہلی پوزیشن چھین لی۔
بلے بازوں میں جوئے روٹ پہلے، کین ولیمسن دوسرے نمبر پر آگئے۔ قومی ٹیم کے کپتان بابر اعظم کا ساتواں نمبر برقرار ہے۔
بولرز کی فہرست میں آسٹریلیا کے پیٹ کمنز کا پہلا نمبر ہے جب کہ شاہین شاہ آفریدی بولرز کی فہرست میں آٹھویں نمبر پر موجود ہیں۔
آل راؤنڈر کی فہرست میں کوئی بھی قومی کھلاڑی موجود نہیں ہے۔
