لاڑکانہ، منشیات فروشوں اور جرائم پیشہ افراد کیخلاف کارروائیاں

لاڑکانہ (نمائندہ جسارت) ایس ایس پی لاڑکانہ کی ہدایات پر پولیس نے منشیات فروشوں اور جرائم پیشہ افراد کیخلاف کارروائیاں کرتے ہوئے 10 ملزمان کو گرفتار کرکے منشیات، اسلحہ، مویشی اور چوری شدہ موٹر سائیکلیں برآمد کرلیں۔ دڑی پولیس نے ملزم اظہار لغاری کو ایک کلو آدھا پاؤ چرس اور ملزم مختار جتوئی کو شراب کی چار بوتلوں سمیت، علی گوہر آباد پولیس نے ملزم وحید میرانی کو ایک کلو آدھا پاؤ چرس سمیت، رحمت پور پولیس نے ملزم زاہد بھٹی کو آدھا کلو چرس سمیت، یونیورسٹی پولیس نے ملزم خالد شیخ کو 20 کلو بھنگ سمیت، یونیورسٹی پولیس نے روپوش اصغر جوگی کو، رتوڈیرو پولیس نے ملزم آفتاب عرف اعجاز کورائی کو 5 کلو بھنگ سمیت، سچل پولیس نے ملزم حسن بوہڑ کو 5 کلو بھنگ سمیت، مارکیٹ پولیس نے ملزم اکبر کھوکھر کو آدھا پاؤ چرس سمیت اور ولید پولیس نے ملزم میر محمد کھوسو کو رپیٹر اور کارتوسوں سمیت گرفتار کرلیا۔ دوسری جانب نوڈیرو پولیس نے شہری فاضل آگانی کا چوری شدہ مویشی برآمد کرکے اصل مالک کے حوالے کردیا جبکہ ولید، سچل اور حیدری پولیس نے چوری شدہ چار موٹر سائیکلیں برآمد کرکے ایس ایس پی کی ہدایات پر اصل مالکان عمران علی بھٹو، بابر عزیز، عامر شیخ اور ساجد چاوڑو کے حوالے کردی ہیں۔