کراچی ( اسٹاف رپورٹر)پاکستان مسلم لیگ (ن) کے صدر اور قائد حزب اختلاف شہباز شریف نے سابق صدر ممنون حسین کی رہائشگاہ پران کے صاحبزادوں ارسلان اور سلمان سے ملاقات کی۔شہباز شریف نے اہل خانہ سے ممنون حسین کے انتقال پر تعزیت اور فاتحہ خوانی کی۔شہباز شریف نے کہا کہ ممنون حسین ایک باکمال شخص اور پارٹی کا قیمتی اثاثہ تھے۔دریں اثنا قائد حزب اختلاف نے سابق گورنر سندھ ممتاز بھٹو کی رہائشگاہ پر ان کے صاحبزادے امیر بخش بھٹو سے ملاقات کی۔شہباز شریف نے اہل خانہ سے ممتاز بھٹو کے انتقال پر ان سے تعزیت اور فاتحہ خوانی کی۔
