پشاور(جسارت نیوز) چترال فٹبال پریمیئر لیگ گزشتہ روز شروع ہوگئی جس میں ملک سے16 ٹیمیں شرکت کررہی ہیں افتتاحی میچ میں ایون فٹبال ٹیم نے جی بی فٹبال کلب کو 2-1 سے شکست دیدی ،مہمان خصوصی پراجیکٹ ڈائریکٹر کھیلوں کی ایک ہزار سہولیات مراد علی مہمند نے لیگ کا باضابطہ افتتاح کیا ۔ ان کے ہمراہ ڈپٹی ڈائریکٹر امیر محمد بیٹنی ، ڈی ایس او چترال فاروق اعظم ،آرگنائزنگ سیکرٹری ہشام الملک دروش سمیت دیگراہم شخصیات موجود تھیں ، اس موقع پر تقریب سے خطاب کرتے ہوئے پراجیکٹ ڈائریکٹر مراد علی مہمند نے کہا کہ کھیلوں کی سرگرمیا ں نوجوانوں میں مثبت سرگرمیوں کو فروغ دیتی ہیں ، وزیراعلی خیبر پختونخواہ کھیلوں کے فروغ کیلئے پورے صوبے میں مثبت سرگرمیوں کیلئے پراجیکٹ بھی شروع کیا ہے۔
