کراچی(اسٹاف رپورٹر)ن لیگی صدر شہباز شریف آج سندھ کے 3 روزہ دورے پر لاہور سے کراچی پہنچیں گے، جہاں 29 اگست کے پی ڈی ایم جلسے سے خطاب شیڈول ہے، اس دوران صوبے کی کئی اہم سیاسی شخصیات کی مسلم لیگ ن میں شمولیت کا بھی امکان ہے۔ ن لیگ سندھ نے پارٹی صدر کے استقبال کی تیاریاں مکمل کر لیں۔ ذرائع کے مطابق کراچی ائرپورٹ پر لیگی رہنما شہباز شریف کا استقبال کریں گے۔کے پی کے ن کلیگ ے صدر انجینئر امیر مقام، سندھ کے صدر اور دیگر لیگی رہنما کارکنان کے ہمراہ ائرپورٹ پہنچیں گے۔ شہباز شریف کو کراچی ائر پورٹ سے ریلی کی شکل میں لے جایا جائے گا۔۔ذرائع ن لیگ سندھ کے مطابق شہباز شریف دورہ کراچی میں مختلف سیاسی و کاروباری شخصیات سے ملاقاتیں کریں گے جبکہ شہباز شریف مسلم لیگ ن سندھ کے اجلاس کی بھی صدارت کریں گے۔ ذرائع کے مطابق اجلاس میں تنظیمی امور اور مفتاح اسماعیل کے استعفے کا معاملہ زیر غور آئے گا۔
