تہران (انٹرنیشنل ڈیسک) ایران نے دھمکی دی ہے کہ اگر اس کے لبنان تیل لے جانے والے جہاز پر اسرائیل نے حملہ کیا تو ایران اس حملے کا جواب دے گا۔ ایرانی رہبراعلیٰ خامنہ ای کے مشیر برائے بین الاقوامی امور علی ولایتی نے یہ دھمکی دی ہے۔ علی ولایتی نے کہا ہے کہ ہم صہیونی ریاست کو اس کا غیرمعمولی جواب دیں گے۔ تاہم انہوں نے اس دھمکی کی مزید تفصیل بیان نہیں کی ہے۔انہوں نے کہا کہ اسرائیل کی جانب سے ایندھن سے لدے جہاز کو روکنے کی دھمکیاں افسوسناک ہیں۔ لبنان کو ایران سے ایندھن کی فراہمی ایک مثبت قدم ہے۔
