پشاور (این این آئی) پشاور میں کار پر فائرنگ کے نتیجے میں4 افراد جاں بحق اور3 زخمی ہوگئے۔ پولیس کے مطابق فائرنگ کا واقعہ پشاور کے علاقے شاہ پور میں چابیاں اسٹاپ پر پیش آیا جس میں 4 افراد جاں بحق اور 3 زخمی ہوگئے جنہیں فوری طور پر اسپتال منتقل کردیا گیا۔ پولیس جائے وقوع پر پہنچ گئی جس نے شواہد جمع کرلیے‘دونوں فریقین کے درمیان پرانی دشمنی تھی‘ ملزمان ہدایت، رئیس اور سرتاج نے اپنے مخالف فریق پر فائرنگ کی جس کے نتیجے میں کار میں سوار 4 افراد عمر شیر، عنایت خان، عبدالوہاب اور خان شیر جاں بحق ہوگئے‘ 3 راہگیر بھی فائرنگ کی لپیٹ میں آگئے۔
