اسلام آباد (اسٹاف رپورٹر) اسلام آباد انٹرنیشنل ائرپورٹ پر پی سی آر ٹیسٹ کا آغاز ہوگیا، جہاں بیرون ممالک جانے والے مسافروں کے لیے خصوصی کاؤنٹر قائم کردیا گیا ہے۔ چند روز قبل پاکستان سول ایوی ایشن اتھارٹی نے ملک کے 7 بڑے ائرپورٹس پر ریپڈ پی سی آر ٹیسٹ کے لیے ائرلائنز کو جگہ فراہم کی تھی، جس کے بعد متحدہ عرب امارات جانے کے خواہش مند پاکستانی مسافروں کی بڑی مشکل آسان ہو گئی تھی۔ واضح رہے کہ پی سی آر ٹیسٹ کے لیے کراچی، اسلام آباد، لاہور، پشاور، فیصل آباد، ملتان اور کوئٹہ ائرپورٹس پر جگہ فراہم کی گئی ہے۔
