گوادر(جسارت نیوز)ریئرایڈمرل کامویسٹ پاکستان نیوی گوادر جواد احمد خان نے جشن آزادی کے سلسلے میں 14 اگست کو ایک میچ کا اہتمام کیا۔جو سنگم گوادر اورپی این ایس اکرم کی کرکٹ ٹیموںکے درمیان میچ کھیلا گیا۔پی این ایس اکرم کرکٹ گرایونڈ میں کھیلے گئے میچ میں سنگم گوادر نے پی این ایس اکرم کو 26 رنز سے شکست دی اور شاندار کارکردگی کا مظاہرہ کرنے پر ناصر پلیئر آف دی میچ قرار دیا گیا۔میچ کے اختتام پر ریئر ایڈمرل پاکستان نیوی گوادر جواد احمد خان نے کھلاڑیوںاور آفیشلز میں انعامات تقسیم کیے۔اس موقع پر گوادر کرکٹ ایسوسی ایشن کے چیئرمین زاہد سعید اور گوادر کرکٹ اکیڈمی کے سیکرٹری اْستاد اصغر حسین بھی موجود تھے۔تقریب سے خطاب کرتے ہوئے ریئر ایڈمرل پاکستان نیوی گوادر جواد احمد خان کا کہنا تھا کہ پاکستان کو مضبوط اور خوشحال بنانے کیلیے پوری قوم کو قائد اعظم محمد علی جناح کے زریں اصول اتحاد ، تنظیم اور یقین محکم کو اجتماعی سطح پر اپنا ناہوگا۔
