میرپورخاص (نمائندہ جسارت) ڈویژنل باکسنگ بال ایسو سی ایشن میرپورخاص کے زیر اہتمام گاما اسٹیڈیم میں جشن آزادی مبارک باکسنگ ٹورنامنٹ کا انعقاد کیا گیا جس میں حیدر آباد اور میرپورخاص کے جونئیر اور سینئر کلاس کے باکسرو ں نے حصہ لیا مقابلوں میں میرپورخاص کے کھلاڑی نعمان ابڑو میچ کے بہترین باکسر قرار پائے مقابلوں میں میرپورخاص کے 12 ویٹ اور حیدر آباد کے 12 ویٹ نے حصہ لیا جن کے درمیان آٹھ مقابلے منعقد ہوئے جس میں سے میرپورخاص نے 8 اور حیدر آباد نے 4 مقابلوں میں کامیابی حاصل کی میرپورخاص نے مقابلوں میں برتری حاصل کر کے ٹورنامنٹ جیت لیا ان مقابلوں میں حیدر آباد ٹیم کے کوچ محمد سالار میرپورخاص کے محمد امجد بلوچ تھے ججز کے فرائض محمود اقبال، دلشادرائے جبکہ ریفریز کے فرائض منورحسین بلوچ، محمد عمران بلوچ نے انجام دیے اس موقع پر عبدالسلیم خان ، ڈویژنل باکسنگ ایسوسی ایشن کے سیکریٹری اور میرپورخاص باکسنگ اکیڈمی کے ہیڈ کوچ محمد سلیم بلوچ صدر محمود اقبال، انجینئر و سینئر اسپورٹس مین وقار زیب، مجید بلوچ، عباس پہلوانی نے کہا کہ بچوں کی ذہنی و جسمانی صلاحیت کو اجاگر کرنے کے لیے کھیلوں کی سرگرمیاں انتہائی اہمیت کی حامل ہیں کھیل کود سے بچوں کے اعصاب مظبوط ہوتے ہیں ۔
